जाति प्रमाण पत्र
प्रदेश म पढ़ईया लईका अउ आम लोगन ल जाति अउ निवास प्रमाण पत्र उंखर घर म ही दे जाही। राज्य शासन ह जाति अउ निवास प्रमाण पत्र ल अरजी देवइया मनके घर म पहुंचाय के सुविधा देवाय के आदेश जम्मों जिला कलेक्टर मन ल जारी करे हे।
आदेश म केहे गेहे कि जाति अउ निवास प्रमाण पत्र जारी होय के बाद अरजी देवइया मनले डाकए रजिस्ट्री शुल्क लेके प्रमाण पत्र उंखर घर के पता म भेजे जाही।
कोरोना मरीज
प्रदेश म आज कोरोना संक्रमित ग्यारा झिन नवा मरीज मिले हे। ये सबो राजधानी रायपुर म पाय गेहे। जेमा ले तीन मरीज एम्स रायपुर के स्टाफए अउ आठ झिन आने मरीज हवय। स्वास्थ्य विभाग ह एखर पुष्टि करे हे।
प्रदेश म अब कोरोना संक्रमित मरीज के संख्या दू हजार चार सौ सड़सठ होगे हे। अभी सात सौ छब्बीस कोरोना संक्रमित सक्रिय मरीज हवयए जेखर इलाज आने आने अस्पताल म होवत हे। उंहे प्रदेश म अब तक बारा झिन कोरोना संक्रमित मरीज के मउत होगे हे।
उंहंे दुर्ग जिला म काली बारा झिन कोरोना संक्रमित मरीज के पुष्टि होय हे। जेमा सात झिन बीएसएफ के जवान हवय।
दूसर कोति राजनंादगंाव जिला कलेक्टर ह जिला म कोरोना संक्रमित मरीज के बाढ़त संख्या ल देखके सरकारी कार्यालय मन ल सेनेटाइज करेए सोशल डिस्टेसिंग के पालन अउ मास्क बउरे के निर्देश दीन हे। राजनंादगंाव शहर म नगर निगम प्रशासन ह आज भीड़भाड़ वाले ठेला खोमचा ल हटाय के कार्रवाई करीन।
एति बलौदा बाजारए भाटापारा जिला म पलारी तहसील के गांव सीतापार के क्वारंटाइन सेंटर ले क्वारंटाइन बेरा ल पूरा करे बगैर भागे सात झिन के खिलाफ पलारी थाना म एफआईआर दरज करे गेहे।
ओति रायगढ़ के सब्जी बाजार ल बंद कराय बर पहुंचे नगर निगम के लोगन ल सागभाजी बेचइया मनके विरोध के सामना करे बर पड़ीस। पाछू सागभाजी बेचइया मन ल इतवारी बाजार म दुकान लगाके समझाइश दे गीस।
प्रधानमंत्री आत्मनिर्भर रोजगार
प्रधानमंत्री नरेंद्र मोदी ह कीहिन हे कि कोरोना महामारी के खिलाफ लड़ई चलत हे। ओमन कीहिन कि अभी एखर कोनो टीका नइ आय हेए फेर ए संक्रमण ले बांचे के उपाय सिरिफ मास्क अउ दू गज के दूरी हवय।
प्रधानमंत्री ह आज एक पहल आत्मनिर्भर उत्तर प्रदेश रोजगार योजना के वीडियो कॅान्फ्रेसिंग ले शुभारंभ करीन। ये मउका म प्रधानमंत्री ह कीहिन कि आत्मनिर्भर भारत अभियान ले खेती.किसानी के क्षेत्र म करीबन पैंतीस लाख लोगन ल रोजगार मिल सकही।
एम्स ओपीडी
अखिल भारतीय आयुर्विज्ञान संस्थान . एम्स रायपुर के ओपीडी सेवा काली ले सीमित रूप म शुरू होवइया हे। ओपीडी सेवा बर मरीज मन ल पहिली पंजीयन कराय बर पड़ही। अभी जुन्ना अउ नवा मरीज मन ल हरएक दिन तय करे गे संख्या म ओपीडी म इलाज दे जाही।
एम्स रायपुर के निदेशक डॅाक्टर नीतिन एमण् नागरकर ह बताइन कि एम्स म काली बीहनिया नौ बजे ले मंझनियंा डेढ़ बजे तक पहिली पारी म ओपीडी शुरू करे के फैसला ले गेहे। एमा तीस झिन रोगी मन ल परामर्श दे जाही। जेमा बीस झिन नियमित अउ दस झन नवा रोगी होही। सुपर स्पेशलिटी विभाग बर रोगी मनके संख्या पंद्रा होही। ओपीडी म पहिली घांव जांच बर अवइया रोगी मन ल ऑनलाईन पंजीयन कराय बर पड़ही। संगेसंग सोशल डिस्टेसिंग के पालन अउ मास्क बउरना जरूरी हवय।
सीबीएसई परीक्षा
उच्चतम न्यायालय के फैसला के बाद केंद्रीय माध्यमिक शिक्षा बोर्ड सीबीएसई ह एक ले पंद्रा जुलाई तक होवइया दसवीं अउ बारहवीं के बांचे परीक्षा ल रद्द कर देहे।
बोर्ड ह बताय हे कि जउन छात्र मन तीन विसय ले जादा के परीक्षा देहेंए ओमन ल ओमा मिलइया नंबर के मुताबिक औसत अंक ओ सबो विसय म दे जाही जेखर परीक्षा नइ होय हे। जउन लइका मन सिरिफ एक या दू विसय म परीक्षा देहे उंखर नतीजा परीक्षा वाले विसय या फेर आंतरिक प्रायोगिक परियोजना परीक्षा ल आधार बनाके घोषित करे जाही।
एखर मुताबिक दसवीं अउ बारहवी कक्षा के नतीजा पंद्रा जुलाई के घोषित होही। सीबीएसई ह बारहवीं कक्षा बर वो विसय म बाद म एच्छिक परीक्षा आयोजित करही। जउन लइका घोषित करे गे नतीजा म सुधार करना चाहत हे ओमन ये परीक्षा ल दे सकत हे।
आदर्श थाना.डीजीपी
मुख्यमंत्री भूपेश बघेल ह प्रदेश के सबो थाना ल आदर्श थाना के रूप म बनाय के निर्देश देहे। थाना अउ आदर्श थाना प्रभारी योजना एक जुलाई ले शुरू करे जात हे।
पुलिस महानिदेशक डीएम अवस्थी ह आज प्रदेश के एक सौ अठाईस ले जादा थानेदार मनले वीडियो कॅालिंग एप ले ए संबंध म गोठबात करीन। ओमन बताइन कि आदर्श थाना बर तय करे गे नियम म जउन खरा उतरही ओला इनाम दे जाही। ये बेरा म बताय गीस कि कबीरधाम जिला के बोड़ला थाना ल केंद्रीय गृह मंत्रालय कोति ले आदर्श थाना के इनाम मिले हे। डीजीपी ह बोड़ला थाना प्रभारी ल प्रमाण पत्र दीन।
मन की बात
प्रधानमंत्री नरेंद्र मोदी ह इतवार के बीहनिया ग्यारा बजे आकाशवाणी ले मन की बात कार्यक्रम म देश अउ विदेश के लोगन मनले अपन विचार साझा करही। श्री मोदी ह एखर बर लोगन ले विचार मंगाय हे।
सुनइया मन एक आठ शून्य शून्य एक एक सात आठ शून्य शून्य नंबर लगाकेे अपन संदेस रिकार्ड करा सकत हे । एखर संगेसंग एक नौ दू दू नंबर म मिस्ड कॅाल करकेे अउ एसण्एमण्एसण् म ले घलो सोझे सुझाव दे जा सकत हे।
रेलवे यात्री ट्रेन
रेलवे ह बारा अगस्त तक मेलए एक्सप्रेसए यात्री अउ उप नगरीय सेवा समेत जम्मों नियमित समय सारणीबद्ध यात्री सेवा रद्द करे के फैसला करे हे।
एक जुलाई ले बारा अगस्त के बीच यात्रा बर नियमित रूप ले रेलगाड़ी बर बुक कराय गे सबो टिकिट रद्द समझे जाही अउ ओखर पइसा पूरा यात्री मन ल लहुटाय जाही। फेर अभी सबो दू सौ तीस स्पेशल रेलगाड़ी तय कार्यक्रम के मुताबिक चलत रीही। एमा बारा मई ले शुरू होय स्पेशल राजधानी अउ एक जून ले शुरू होय स्पेशल मेल एक्सप्रेस सेवा चलत रीही।
संक्षिप्त समाचार
अउ अब थोरकुन समाचार सार म.
. कोंडागांव जिला के केशकाल म गांव बेढ़मा तीर टरक के टक्कर ले दुपहिया सवार एक माइलोगिन के मउत होगे अउ एक आने माइलोगिन घायल होगे हे।
. धमतरी जिला म मध्यान्ह भोजन कर्मचारी मन ह आज अपन उन्नीस सूत्रीय मंाग ल लेके जिलाधीश कार्यालय के आगू प्रदर्शन करीन।
. रायपुर पुलिस ह आने आने क्षेत्र म वाकी टाकी के उपयोग करके चोरी करइया एक गिरोह के खुलासा करत आरोपी मन तीर ले करीबन सात लाख रूपिया के सामान जब्त करीन हे।
. मुंगेली जिला भाजपा कार्यालय म आपातकाल के पच्चीस बछर पूरा होय म मीसाबंदी मन ल नरियर अउ गमछा भेंट करके सम्मानित करे गीस।
.
अउ
. बालोद जिला म पुलिस कर्मचारी मन ल स्वस्थ राखे बर आज ले स्पंदन योजना शुरू करे गीसए जेमा पुलिस कर्मचारी मन बर योगा अउ आने कई ठन गतिविधि होही।
